Vigogo wa Chadema Wampopoa Mbunge wao Aliyeomba Kuhamia CCM kwa Machozi

Mbunge Lijualikali aangua kilio Bungeni, amponda vikali Mbowe na ...Viongozi mbalimbali wa Chama cha Chadema wamemshambulia Mbunge wa Kilombero Peter Lijualikali kutokana na hatua yake ya kutangaza kuomba kujiunga na CCM leo huku akibugujikwa na machozi na kusema yupo tayari kufanya kazi yoyote ile ila sio kuendelea kuwa chadema.

Akiongea leo Bungeni Lijualikali amesema anaomba kujiunga na CCM pale muda wake wa ubunge utakapokwisha akisema amechoka kuendelea kutumika vibaya ndani ya chama chake cha sasa.

Lijualikali alizungumzia misukosuko yake ndani ya chama hicho dhidi ya dola na suala la chama chake kumkata posho kwa ajili ya ujenzi wa Chama.

Hata hivyo viongozi wa Chadema katika yote wameshikilia suala la posho wakisema lipo kwa mujibu wa Sheria lakini pia wamechombeza kuwa kura za maoni ndani ya chama hazijamkalia vizuri.

Lijualikali ni miongoni mwa wabunge wa Chadema waliotakiwa kujieleza kwa chama kwanini walikiuaka maelekezo ya mwenyekiti wa Chama kwa kuingia Bungeni hata hivyo wenzake wanne walifukuzwa uanachama.

“Huwezi kuitwa mshindi bila kushindana.
Wale wote waliojiunga na Chadema kwa bahati mbaya na huku wanadhani nyumbani kwao ni CCM let them go, to where they belong”.

— peter msigwa (@MsigwaPeter) May 18, 2020

Lijualikali alifungwa jela miezi 6 chama kupitua wakili @TunduALissu kilimpambania Rufaa ikakatwa akatoka nje ya gereza siku anatoa ushuhuda wa jela alilia sana matesao aliyoyapata Gerezani, ila baada ya kumuoa mtoto wa spika mienendo yake ikaanza kubadilika ndani ya chama/Bunge pic.twitter.com/ravTJRjuts

— Twaha Mwaipaya (@Twaha_Mwaipaya) May 18, 2020

mara 3 mfululizo chadema imepata hati safi ya ukaguzi wa mahesabu na CAG huku ccm ikipata hati chafu, Lijualikali akiwa mbunge wa kilombero alipongeza chama kwa matumizi mazuri ya fedha, chama kimenunua magari mapya haya lijua alitumia jimboni kwake kwenda kwenye kesi zake zote pic.twitter.com/oLkL6TDTYf

— Twaha Mwaipaya (@Twaha_Mwaipaya) May 18, 2020